به گزارش خبرنگار خبرگزاری کتاب ایران (ایبنا) در زنجان، ولی‌الله کلامی شاعر زنجانی درباره اوضاع کنونی کشور شعر سرود.
متن شعر به شرح زیر است:
قلّه یعنی ظهور، یعنی نور
قلّه یعنی مقام فتح و سرور
قلۀ عشقه چخماق آساندی
سالک اولسا اگر بو یولدا صبور
نه تعلل گرک ایداخ نه شتاب
مقتدادن گلوب بئله دستور
پیچ تاریخی دن گئچوب ایران
مرز پیروزی ده تاپوبدی حضور
ایرانین حقیدی اولاً پیروز
لبنانین حقیدی اولاً مغرور
یمنین حقیدی چکه فریاد
عراقین حقیدی اولاً پر شور
شامیدن وار یری اوجالسا نوا
ایتسه تاریخی غزه اهلی مرور
بولار الهام آلوبلار ایراندان
عالمه انقلاب اولاندا صدور
وعده صادقین پیامی بودور
عصر بیداریدور بو عصر ظهور
سلمانین چیگنینه قویاندا الین
سید مرسلین اومنشاء نور
دیدی بیر گون گلر بو سردارین
قومی حریته اولار مامور
مرحبا ای قبیله سلمان
بارک الله سپاهیان جسور
آپارون قلّیه ورون علمی
قلب عباسی ایلیون مسرور
اگر اهل شرف وئره اَل اَله
محو اولار صهیونیست پست وشرور
بی هویّتدی بو یهودی لر
نسل خیبر دی اهل فسق و فجور
بعد جنگ جهانی دوم
تاپدی قدرت بو فرقه مزدور
انگلیس و فرانسه، آمریکا
زر و تزویر، اولدی همره زور
قالدی اهل فلسطین آواره
وردی قرآنه طعنه اهل زبور
گیتدی امنیتی بومنطقه نین
او زماننان که فتنه تاپدی وفور
سازمان ملل یوموب گوزونی
چخدی یاددان او یازدیقی منشور
بوگون اما عوض اولوب جریان
چشم عمّال سرسپرده به دور
هارداسان ای امام موسی صدر
گل تماشایه اول خدایه شکور
اولاری که داشیدی اسلحه سی
ایندی موشک آتیلّا جورا جور
گوزلرینده یهود خونخوارین
روز روشن اولوب شب دیجور
قوپدی طوفان سخت الاقصی
چالدی اسرافیل اوندا نفخۀ صور
مرد نامردیدن بلی سیچیلر
چالینان وقته حمله ده شیپور
چخدی رزمنده لر یر آلتندان
دیمه سنگر دئ لانه زنبور
فوج فوج اولدولار فدایی، تا
حصریدن چخسون امت محصور
گرچه نصراللهین توکولدی قانی
گرچه مظلوملار اولدی زنده به گور
گرچه اسماعیلِ هنیّه گیدیب
گرچه جان ویردیلر اُناث و ذکور
ولی قالدی حماس و حزب الله
دوتماسین ضد انقلابی غرور
ائله دؤندی ورق، که بو اوضاع
ذهنِ دشمندن ایتمزیدی خطور
شهدا اللها گیدوبله قوناق
حق وئریب اونلارا بهشت و قصور
حرم عاشق لری اوخور قرآن
مست ایدوب اونلاری شراب طهور
شوشتری رمز یولّور اشتری یه
باشلا ناصر شعار یا منصور
یالان اولماز خدا ویرن وعده
قالماز آی زیر ابرده مستور
سُنّیِ غزه، شیعۀ لبنان
اتحادی بیلولله امرضرور
قیلینان گون نماز جمعه نصر
تانینوب کیمدی مقتدای غیور
خاک پای علی دی رهبریمیز
اهل بیتین الینده کل امور
گله جاخ حجت خدا بیر گون
تا ایده عدل کاخینی معمور
گورورم ایندیدن، نمازه دوروب
قدسیده مهدی یؤمِ شور و نشور
سنده از سینه زن ایتیر مه یولی
کربلادندی قدسه راه عبور
کربلادن غرض، تفکّردی
گوزله اولما یزیدیلن محشور
سینه وُر شوریلن قولون قربان
ولی بیل شوریدن قباقدی شعور
حیفیدور اهل روضۀ گودال
بیلمیه قله دن ندور منظور
گر شعور اولسا شور ایدر طوفان
سینه روشن اولار چو وادی طور
سسله حبّ الحسین، یجمعنا
سنی سسلور او تربت معطور
غیرت اهلین جهاده دعوت ایدور
قانلی مقتلده حنجر منحور
یارالی قتلگاهه دوشموشدی
دورین آلمیشدی قوم رزل و کفور
دیدی ای شیعه ی ابوسفیان
میِ غفلتله اولمیون مخمور
اولون آزاده دین یوخوزدی اگر
ایتمیون اهلبیتیمی رنجور
چوخ آجیقلانمیون بالا لاریما
منی نفرینه ایتمیون مجبور
آه یابن الحسن جزاک الله
سوز آغیر سوزدی دوت منی معذور
آقاجان گل شهیدلرین قانین آل
منتظر دی سنه دلِ مهجور
اگمدی جدون اهل کوفیه باش
حیف اوباشه، مکانی اولدی تنور
شهرته چوخ «کلامی» فخر ایلمه
بنده محبوب اولار نه که مشهور
نظرات